Хаартыска -- Анатолий Семенов телеграм-ханаалыттан.
“Цифровой алмаз” III федеральнай пуорум бастакы күнэ Саха сирэ уонна Запорожье уобалаһын айар кэлэктииптэрин холбоһуктаах бырайыактарын — «Алдан» киинэни билиһиннэриинэн түмүктэннэ.
Киинэни уһулууну көҕүлээччинэн Ил Дархан Айсен Николаев буолар. Бырайыагы олоххо киллэриини РФ Бэрэсидьиэнэ Владимир Путин уонна Запорожье уобалаһын губернатора Евгений Балицкай өйөөбүттэрэ.
Суолталаах тэрээһиҥҥэ киинэни айааччылар уонна “Алдаҥҥа” оонньообут артыыстар, туһааннаах дьон кыттыыны ыллылар.
Хаартыскаҕа Елена Потоцкая түһэриитэ.
Сүрүн оруолу толорооччу, култуура туйгуна Илья Яковлев, бразильскай джиу-джитсуга аан дойду чөмпүйүөнэ, актер Джефф Монсон (Уфа) кыттыыны ылбыттара суруналыыстар болҕомтолорун тарта.
«Алдан» киинэ режиссера — Аҕа дойду сэриитин саҕанааҕы кэми көрдөрөр английскай уонна дьоппуон тылларыгар тыбаастаммыт «Рядовой Чээрин» киинэни устубут, “Үлэ кыбартаала” айар кластер көмпүүтэр графикатын устуудьуйатын салайааччыта Дмитрий Кольцов. «Алдан» сүрүн дьоруойун прототиба байыаннай дьайыы кыттыылааҕа Николай Потапов бэйэтинэн кэлэн кыттыыны ылан, тэрээһини бэрт улахан суолталаата.
— Киинэҕэ байыаннай дьайыы буола турар дьиҥнээх көстүүлэрэ уһуллубуттарын, передовойга сылдьар уолаттар көстүбүттэрин бэлиэтиир тоҕоостоох. Саха ыччаттара олоххо бэлэмнээхтэрин, кэпсэлгэ сылдьар өрүттэрин дьиҥнээхтик көрдөрөн, бу норуот хорсун-хоодуот разведчик уонна снайпер уолаттардааҕа илэ көһүннэ. Онон киинэ табылынна, көрөөччүгэ интэриэһинэй буолуо дии саныыбыт, — диэн “Алдан” киинэ генеральнай продюсера Данил Куликов бэлиэтээтэ.
Улахан суолталаах улахан бырайыакка Арассыыйа киинэтин сулустара Иван Охлобыстин, Дмитрий Дюжев оонньоон, «Алдан» таһымын биллэ үрдэттилэр. Кэрэхсэбиллээҕэ баар, киинэ үгүс графиката “Үлэ кыбартаала” креативнай кластер көмпүүтэр графикатын устуудьуйатыгар уһуллубута – саха киинэтэ бу хайысханы муҥутуурдук баһылаабытын уонна креативнай кластер дойду таһымыгар үлэлиир кыахтаммытын туоһута.
“Алдан” киинэ кэлэр сылга олунньуга киинэ прокатыгар тахсыаҕа.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…