«Алдан» киинэни ыам ыйыттан көрдөрүөхтэрэ

«Алдан» киинэ санаа күүһүн, төрөөбүт дойдуга таптал уонна бэринии туһунан», — диэн бэлиэтиир Айсен Николаев.

Киинэ режиссера Дмитрий Кольцов, эрдэ «Рядовой Чээрин» диэн Аҕа дойду сэриитин туһунан киинэни устубута. Бу киинэҕэ артыыстар: Иван Охлобыстин, Дмитрий Дюжев уонна Джефф Монсон оонньоотулар.

Киинэ сюжета дьиҥнээх олоххо тирэҕирэн уһуллубут. Сүрүн дьоруой –  ИТ эйгэтигэр урбаанньыт киһи, кини баҕа өттүнэн байыаннай дьайыыга барар. Прототип Николай Потапов диэн «Эр санаа» уордьан кавалера, мэдиссиинэ взводун хамандыырын солбуйааччыта,  Тихоокеанскай флот 155-с морской пехота биригээдэтин байыаннай бырааһа, «Криолит геймс» геймдев-устуудьуйа уонна ИТ-оскуолалар ExpoSkills генеральнай дириэктэрдэрэ. Манна Саха сирин уонна ДНӨ Кировскай куоратын оҕолоро программированиеҕа үөрэнэллэр.  Киинэ эпизодугар  «Алеша» тааҥка дьоруойдара көстөллөр.

«Алдан» киинэ Саха сирэ уонна Запорожскай уобалас бастакы киинэ бырайыагын быһыытынан биллэр.