Хаартыска СИА архыыбыттан
“Килбиэннээх үлэ куората” бочуоттаах аат Аҕа дойду уоттаах сэриитин ыар сылларыгар Кыайыы туһугар уһулуччу дьүккүөрдээх үлэнэн сүүнэ кылааттарын киллэрсибит куораттарга иҥэриллэр.
Саха сиригэр Алдан уонна Дьокуускай «Килбиэннээх үлэ куората» диэн ытык ааты сүкпүттэрэ норуот бүттүүнүн киэн туттуута, үөрүүтэ.
2021 с. балаҕан ыйыгар 10 күнүгэр Арассыыйа Бэрэсидьиэнэ Владимир Путин “Килбиэннээх үлэ куората” бочуоттаах ааты Алдаҥҥа иҥэрэр туһунан ыйаахха илии баттаабыта. Оттон Алдан бочуоттаах аакка тиксэригэр үтүө көҕүлээһини 92 тыһыынча киһи өйөөбүтэ. Ытык аат Арассыыйа 12 куоратын кытары тэҥҥэ иҥэриллибитэ.
Арассыыйа Бэрэсидьиэнэ Владимир Путин Аҕа дойду сэриитин сылларыгар алданнар хорсун-хоодуот быһыыларын бэлиэтээбитэ. Куорат үлэҕэ ситиһиилэринэн уруккуттан биллэрэ чорбоччу тутуллубута. «Алдан куорат үлэҕэ ситиһиилэринэн уруккуттан биллэр. Саха сиригэр кыһыл көмүс үс гыммыт биирэ, сүлүүдэ 80% хостоммута», — диэн Владимир Путин эҕэрдэ тылыгар бэлиэтээбитэ.
Алдан Улуу Кыайыы туһугар сүҥкэн кылаатын киллэрсибитэ. Аҕа дойду уоттаах сэриитин сылларыгар Оборуона пуондатыгар 15,6 туонна кыһыл көмүһү, 28 кг күндү тааһы, 44 тыһ. ичигэс таҥаһы сэбиэскэй аармыйаҕа ыыппыттара ыйыллар. Оройуонтан Сэбиэскэй Сойуус сэттэ Дьоруойа баара суруллар. 14 тыһыынча нэһилиэнньэлээх улуустан 11740 киһи сэриигэ кыттыбыта бэлиэтэнэр.
Бочуоттаах үрдүк ааты ылыы, 1941-1945 сс. кырыктаах сэриигэ кыайыыны ситиһиигэ киллэрбит кылааты билинии уонна үрдүк сыанабылынан буолар.
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…
Ил Түмэҥҥэ туһаайан этиитигэр өрөспүүбүлүкэ баһылыга Айсен Николаев чэпчэтиилээх эминэн хааччыйыыны бигэтик үбүлүүр соругу туруорда.…
Саха сиригэр будулҕан туманнаах, күүстээх бытарҕан тымныылар тураллар. Ахсынньы 24 күнүгэр сарсыарда Өймөкөөн улууһугар салгын…
Ленскэй оройуонун суута Пеледуй бөһүөлэгин олохтоох киһиэхэ сыһыаннаан РФ Административнай кодексатын 19.3 ыстатыйатын 1 чааһынан…
Павловскай сэлиэнньэтин бибилэтиэкэтигэр Мэҥэ Хаҥалас улууһун “Аҕа дойдуну көмүскээччилэр” пуонда филиалын социальнай координатора Рената Спиридонова…