Алдан, Мииринэй, Үөһээ Халыма мировой судьуйалара бигэргэннилэр

Олунньу 28 күнүгэр ыытыллар Ил Түмэн бэһис (уочараттаах) пленарнай мунньаҕар барыта 47 боппуруос көрүллэр. Пленарнай мунньахха СӨ Бырабыыталыыстыбатын бэрэстэбиитэллэрэ, миниистирдэр о.д.а. кыттыыны ылаллар.

Норуот дьокутааттара бастакынан мировой судьуйалар дуоһунастарыгар киллэриллибит хандьыдааттары көрдүлэр. Дьүүллэһии түмүгүнэн Ольга Попова 2 №-дээх Алдан улууһун суут учаастагар, Наталья Юзько 9 №-дээх Үөһээ Халыма улууһунааҕы суут учаастагар, Андрей Орлов  18 №-дээх Мииринэй улууһунааҕы суут учаастагар мировой судьуйаларынан бигэргэннилэр.