Алдан олохтооҕо билэр киһитин кырыктаахтык өлөрбүтүн иһин 13 сылга көҥүлэ быһыллыаҕа

СӨ Силиэстийэлиир кэмитиэтэ Алдан оройуонун 44 саастаах олохтооҕо бу сыл саҕаланыыта билэр киһитин өлөрбүтүнэн суут бириигэбэрин таһаарбытын туһунан иһитиннэрэр.

Өлөрүү тохсунньу 2 күнүгэр буолбут. Эр дьон кыбартыыраҕа арыгылыы олорон этиспиттэр. Сууттанааччы быһаҕынан аннараа киһини төбөҕө, искэ уонна илиигэ-атахха анньыалаабыт. Аннараа киһи тута тыына быстыбыт.

Эр киһини буруйдааҕынан билинэн, 13 сылга уопсай эрэсиимнээх холуонньаҕа бириигэбэрдээтилэр.