Хаартыска: Саха сиринээҕи суут бириистэптэрин пресс-сулууспата
Саха сирин көннөрөр холуонньаларыттан биирдэстэригэр харчыны күһэйэн ылыы туһунан холуобунай дьыала суукка ыытылынна. Буруйдааҕынан урут хас да төгүл сууттаммыт Алдан оройуонун 34 саастаах олохтооҕо билиннэ. Бу туһунан сэтинньи 10 күнүгэр СӨ Борокуратуурата уонна Силиэстийэлиир кэмитиэтин пресс-сулууспалара иһитиннэрдилэр.
Силиэстийэ сабаҕалыырынан, Алдан оройуонун олохтооҕо буруйу оҥорор бөлөх састаабыгар киирбит. Кини икки атын хаайыылааҕы кытта бииргэ буолан, атын хаайыылаахтан 30 тыһыынча солкуобайы күһэйэн көрдөөбүттэр. Кинилэр эмсэҕэлээччини куттаабыттар, ону таһынан төбөҕө хаста да охсубуттар. Борокуратуура иһитиннэрэринэн, түмүгэр харчыны былдьааччылар туһунан эмсэҕэлээбит киһи кэргэнэ тыллаабыт. Бу быһылаан 2021 сыл алтынньы 24 күнүттэн сэтинньи 10 күнүгэр диэри кэмҥэ тахсыбыт. Силиэстийэлиир кэмитиэт чопчулаабытынан, буруйу оҥорор бөлөх сокуоннайа суох сүүйүүлээх оонньуулары тэрийиигэ эмиэ сыһыаннаах эбит.
«Силиэстийэ туоһулуур дакаастабылы ситэри хомуйда, онон сибээстээн буруйданааччыга тэриллибит холуобунай дьыала суукка ыытылынна. Сокуоннайа суох сүүйүүлээх оонньуулары тэрийии туһунан холуобунай дьыаланы силиэстийэлээһин салҕанар», — диэн Силиэстийэлиир кэмитиэт иһитиннэриитигэр этиллэр.
20 саастарыгар диэри тустууктарга аан дойду бастыыр иһин күрэхтэһиитин боруонса призера, 23 саастарыгар диэри Европа…
Саха сирин дуобатчыттара Турцияҕа буолбут аан дойду чөмпүйэнээтигэр ситиһиилээхтик кытыннылар. Улахан ситиһии Арассыыйа сүүмэрдэммит хамаандатын…
Бу сыл ахсынньытыгар, сэтинньигэ биэнсийэлэрэ үрдүүр быраабы ылбыт Арассыыйа гражданнарыгар төлөбүрдэрин саҥаттан хос ааҕыахтара (перерасчет).…
Сэтинньи 10 күнүгэр Дьокуускайга «Хотугу сиргэ экология уонна киһи доруобуйата» диэн норуоттар икки ардыларынааҕы кыттыылаах…
Атырдьах ыйыгар Депутатскай бөһүөлэк олохтооҕо итирик сылдьан, ким да көрбөтүнэн туһанан, хатамматах ааннаах соҕотох олорор…
Үөһээ Бүлүү улууһугар Бүлүү өрүс мууһа туран, «Үөһээ Бүлүү – Хоро» хайысханан өрүс үрдүнэн кыһыҥҥы…