Алдан олохтооҕо суутунан «Митсубиси Челенджер» массыынатын былдьатта
![](https://sakha-sire.ru/wp-content/uploads/2024/06/watch-man-person-people-road-traffic-655303-pxhere.com_-900x596.jpg)
Алдан улууһун суута 48 саастаах олохтоох эр киһи холуобунай дьыалатыгар борокуратуура судаарыстыбаннай буруйдааһынын өйөөтө. Кини иккиһин итирик туруктаах сылдьан уруулга олорбут чахчытынан РФ Холуобунай Кодексатын 1 ч. 264.1 ыст. буруйданна.
Суут быһаарыытынан, эр киһи урут итирик туруктаах сылдьан административнай эппиэтинэскэ тардыллыбытын үрдүнэн, суут быһаарыытын ылыммакка итирик сылдьан уруулга олорон, нэһилиэнньэ олоҕор кутталы үөскэппит. Судаарыстыбаннай буруйдааччы ирдэбилинэн, Алдан улууһун суута суоппары 2 сылга 280 чаастаах булгуччулаах үлэҕэ, тырааныспары ыытары кытта сибээстээх үлэнэн дьарыктанарын боборго эбээһинэстээтэ. Ону кытта судаарыстыба дохуотугар «Митсубиси Челенджер» мааркалаах массыына былдьанна. Суут бириигэбэрэ сокуоннай күүһүгэр киирэ илик диэн СӨ Борокуратууратын пресс-сулууспата суруйар.
![](https://sakha-sire.ru/wp-content/uploads/2024/06/85-1.jpg)
Сообщить об опечатке
Текст, который будет отправлен нашим редакторам: