Алдан оройуонугар 29 киһи бэйэлэрин баҕаларынан ойуур баһаарын умуруорууга үлэлииллэр

Ол туһунан Алдан оройуонун баһылыга Александр Шестопалов кэпсээтэ.

“Кинилэргэ Алдан оройуонун олохтоохторун ааттарыттан махтаныахпын баҕарабын. Баһаары умуруорууга олохтоох дьонтон 29 киһи бэйэлэрин баҕаларынан үлэлии сылдьаллар. Кинилэр баһаары умуруорсаллар, утары уоту ыыталлар, минерализованнай балаһалары хаһаллар, уоту харабыллыыллар. ЫБМ бөлөҕүн дьонун кытта нэһилиэнньэлээх пууннарга, экономика эбийиэктэригэр кутталы киллэрбэт туһугар үлэлии сылдьаллар, “ – диэн эттэ оройуон баһылыга.

”Метео” Кииннэммит  аэрологической обсерватория Як-40 зондировщик-сөмөлүөтэ бэҕэһээ баһаар үрдүгэр элбэх сөҥүүнү түһэрбитэ. Салгыы Кутана, Угайаан нэһилиэктэригэр ардах күн бүгүн да салҕанар”, — диэн Александр Шестопалов Алдан ойуурун уотун умуруорууга ЫБМ Бе-200 уонна Як-40 зондировщик-сөмөлүөт улахан көдьүүстээхтэрин  тоһоҕолоон бэлиэтээтэ диэн иһитиннэрэр, СӨ Ил Дарханын уонна бырабыыталыстыбатын пресс-сулууспата.