Хаартыска:СИА
Былырыын Алдан оройуонугар 59 мэдиссиинэ үлэһитэ үлэҕэ киирбит — 33 эдэр исписэлииһи киллэрэн туран. Бу туһунан Бырабыыталыстыба отчуотун кэмигэр иһитиннэрдилэр.
Алта быраас, ол иһигэр үс учаастактааҕы терапевт, быраас-невролог, быраас-онколог, быраас-педиатр бааллар. Ону тэҥэ 16 мэдиссиинэ орто персонала бу кэккэҕэ киирдэ, олор истэригэр 13 мэдиссиинискэй сиэстэрэ, 2 биэлсэр уонна регистратор.
Икки күн отчуоттуур дэлэгээссийэ 11 нэһилиэнньэлээх пууҥҥа сырытта: Кутана, Чагда, Хатыыстыыр сэлиэнньэлэригэр, Лебединэй, Аллараа Кураанах, Улахан Ньымньыыр бөһүөлэктэригэр, Алдан уонна Томмот куораттарга.
«Алдан оройуона саҥа исписэлиистэр көмөлөрүнэн доруобуйа харыстабылын тупсарар, инфраструктуратын саҥардар. Онон оройуон олохтоохторо мэдиссиинэ өттүнэн хааччыллалларыгар төһүү буолар»,— диэтэ Саха сирин Бырабыыталыстыбатын Бэрэссэдээтэлэ Кирилл Бычков.
Каадырдары бэлэмниир туһуттан оройуоннааҕы киин балыыһа тус сыаллаах 9 дуогабары түһэристэ. Итинтэн аҕыһа М.К.Аммосов аатынан ХИФУ баазатыгар специалитет бырагыраамата уонна Арассыыйа киин үрдүк үөрэх кыһаларыгар. Биир дуогабар Н.И. Пирогов аатынан Арассыыйатааҕы национальнай чинчийэр мэдиссиинэ университетын кытта «Офтальмология» хайысхатыгар баттаныллыбыта. Алдан оройуонун киин балыыһатын кылаабынай куорпуһун хапытаалынай өрөмүөнэ түмүктэннэ. Ону тэҥэ оройуоҥҥа рентген систиэмэтэ, көһө сылдьар рентген аппараата, ЭКГ 4 амбулаторнай регистратор ылылынна.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…
Таастаах диэн сиргэ "Амикан" этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ,…
Нерюнгри оройуонун биэнсийэлээҕэ түөкүттэр “домофон уларытыыта” исхиэмэлэригэр киирэн биэрэн. Туох баар дьиэ кэргэнин уурумньутун барытын…
Бэс ыйын 2-6 күннэригэр ыытыллар “СӨ сыл иитээччитэ-2025” өрөспүүбүлүкэтээҕи күөн күрэс лауреаттарын аата билиннэ. Күөн…
Бу туһунан Ил Дархан Айсен Николаев бэйэтин тг-ханаалыгар иһитиннэрдэ: “Оробуочай көрсүһүүбүт кэмигэр киниэхэ маннык этиилээхпин…
Байыаннай дьайыы буола турар сиригэр 28-тан тахса рейсинэн гуманитарнай таһаҕас ыытылынна. Ол курдук, тырааныспар хампаанньаларын…