Алдан оройуонугар киһи өлүүлээх суол саахала таҕыста

Бүгүн, балаҕан ыйын 19 күнүгэр, сарсыарда 7 чаас саҕана «Лена» федеральнай айан суолун 505-с км 1986 сыллаах төрүөх суоппар, «Тойота Таун Айс» массыынанан Нерюнгриттан Алдан диэки айаннаан иһэн, уруулун сатаан салайбакка, уҥа өттүгэр суолтаан туораан, түҥнэһиннэ.

Суол быһылаанын түмүгэр массыына инники олорбут 43 саастаах пассажир өллө. Суоппар эт-хаан улахан эчэйиитин ылан балыыһаҕа киирдэ. Суоппар бырааба суох уонна итирик туруктааҕа быһаарылынна диэн Суолу кэтээн көрөр судаарыстыбаннай иниспиэксийэ пресс-сулууспата иһитиннэрэр.

Бу киһи өлүүлээх быһылаанынан бэрэбиэркэ ыытыллар.

Суол саахала тахсыбыт сириттэн Алдан оройуонун ОГАИ начаалынньыгын эбээһинэһин толорооччу Василий Мачаев комментарий биэрдэ.