Хаартыска: Саха сиринээҕи Быыһыыр сулууспатын пресс-сулууспата
Алдан улууһугар алтынньы саҥатыгар сүппүт икки балыксыты буллулар.
Кинилэри Алдаҥҥа бөртөлүөтүнэн эвакуациялаатылар. Бу туһунан Саха сиринээҕи Быыһыыр сулууспатын пресс-сулууспата иһитиннэрэр.
Санаттахха, сүппүт балыксыттары көрдүү бөртөлүөт бүгүн сарсыарда, алтынньы 23 күнүгэр, көппүтэ. Балыксыттар Алдантан 130 км тэйиччи Тимптон өрүс кытылыгар булчут үүтээнигэр көһүннүлэр.
Балыксыттар, 68 уонна 43 саастаах эр дьон, балаҕан ыйын 25 күнүгэр Тимптон өрүскэ балыктыы тахсыбыттар. Кинилэр 15 хонугунан төннөр былааннаммыттар эрээри, оҥочолоро алдьаммыт: бастаан мотуорга редуктор үлэлээбэт буолбут, онтон букатын да оҥочо тэстибит. Кинилэр бүтэһигин алтынньы 8 күнүгэр Таас Хонуу өрүс уһугар, Алдантан 250 км тэйиччи сиргэ, көрбүттэр. Алтынньы 18 күнүгэр сүппүт дьону көрдүү сатаабыттара да булбатахтара. Балыксыттар булчут үүттэнигэр көмө кэлэрин күүтэргэ быһаарыммыттар. Кинилэри кэмигэр булбуттар — бу күннэргэ халлаан эмискэ тымныйбыта бэлиэтэнэр.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…