Алдан улууһугар үс киһи өлүүлээх суол саахала таҕыста

Ыам ыйын 29 күнүгэр сарсыарда 6:16 чааска «Лена» федеральнай суол 666 км Алдан улууһугар Аллараа Кураанах бөһүөлэгиттэн 5 км тэйиччи 1976 с.т. суоппар «Лада Нива  Бронто» массыынатынан Томмоттон Алдан куорат диэки айаннаан иһэн, утары суолга тахсан,  1981 с.т. суоппар «Субару» мааркалаах массыынаны кытар харсыста.

«Субару» массыынаҕа 1985 с.т. уонна 1991 с.т. пассажирдар олорон испиттэрэ билиннэ. Бу туһунан Саха сиринээҕи Госавтоинспекция биллэрэр.

Быһылаан түмүгэр икки киһи суһал көмө кэлиэр диэри өлбүттэр, биир киһи Алдан киин балыыһатын реанимационнай отделениетыгар суорума суолламмыт. Оттон 4 пассажир реанимационнай отделениеҕа куһаҕан туруктаах сытар. Саахал тахсыбыт чахчытынан бэрэбиэркэ ыытыллар.