Алдан улууһун Чагда сэлиэнньэтигэр 12 дьиэ ууга барда

СӨ Бырабыыталыстыбатын бөлөҕө уонна быыһааччылар Алдан улууһун Чагда сэлиэнньэтигэр айаннаатылар. Гражданскай оборуонаҕа уонна нэһилиэнньэ олоҕор-дьһаҕар куттал суоһаабатын хааччыйар миниистир Дмитрий Лепчиков иһитиннэрбитинэн, Алдан өрүскэ уу таһыма үрдээн, 17 тиэргэн, ол иһигэр 12 дьиэ ууга былдьанна.

Алдан эбэҕэ муус өрүс төрдүгэр тахсыбыта ыраатта, ол эрээри халаан саҥа долгунун кытта уу кэлэн, Чагда сэлиэнньэтигэр кутталлаах таһымы аһарда.

«Өрөспүүбүлүкэ салалтатын дьаһалынан билигин суһал бөлөх быыһааччылары кытта Алдан Чагдатыгар көттө. Манна уу таһыма үрдээбитэ бэлиэтэнэр. Ууга 17 тиэргэн, ол иһигэр 12 олорор дьиэ былдьанна. Тиийээт даҕаны олохтоох дьаһалтаны кытта кэпсэтэн, салгыы туох быһаарыныылары ылынарбытын чуолкайдыахпыт», —диэтэ миниистир.