Алдан улууһун Хатыстыырын таһыгар муоста алдьанна
![](https://sakha-sire.ru/wp-content/uploads/2024/05/2024-05-26_22-24-43.jpg)
Алдан оройуонун Хатыстыыр нэһилиэгин таһынааҕы айан суолун күргэтэ алдьанна. Онон суолга хаайтарааһын буолбутун туһунан социальнай ситимҥэ тарҕанна.
Аллараа Кураанах уонна Хатыстыыр нэһилиэктэр икки ардыларыгар баар тиэхиньикэлэр сырыыларын хааччыйар күргэ алдьаммыт. Ол курдук, халаан уутуттан сылтаан күргэ биир тирэҕэ ууга баран сууллубут диэн сабаҕалыыллар. Алдан оройуонун дьаһалтата иһитиннэрбитинэн, бүгүн, ыам ыйын 27 күнүгэр, сарсыарда балаһыанньа хайдаҕын быһаара анал хамыыһыйа сылдьыбыт. Билиҥҥи туругунан, быстах кэмҥэ понтоннай туоратыы туһунан кэпсэтиһии барар. Итини таһынан дьону өрүһү туоратарга нэһилиэктэр икки өттүлэриттэн оптуобустар сырыылара сөргүтүллүөҕэ. Онон бу хайысханан айан-сырыы быстах кэмҥэ тохтотулларын туһунан дьаһал ылыммыттар.
Сообщить об опечатке
Текст, который будет отправлен нашим редакторам: