Алдан уонна Муома улуустарыгар сир хамсааһына бэлиэтэннэ

Аҕыйах чаас арыттаах Алдан уонна Муома улуустарыгар тахсыбыт икки сир хамсааһынын туһунан  ФИЦ ЕГС РАН сулууспатын киин Дьокуускайдааҕы филиала иһитиннэрэр.

Ахсынньы 1 күнүгэр олохтоох 23:55 чааска Алдан улууһун  хайатыгар, Ыллымах сэлиэнньэтиттэн 17 килэмиэтир соҕуруулуу-арҕаа сир хамсааһына бэлиэтэммит. Раутиан шкалатынан энергетическай кылааһа 11,7, МСК шкалатынан — 5-6 балл, магнитудата — 4.

Оттон бүгүн, ахсынньы 2 күнүгэр, түүн 01:43 чааска, Муома улууһугар иккис сир хамсааһына буолбут. Чумпу Кытыл сэлиэнньэтиттэн 65 килэмиэтир хотугулуу-илиҥ диэки бэлиэтэннэ.  Раутиан шкалатынан энергетическай кылааһа 10,2, МСК шкалатынан — 4 балл, магнитудата — 3,5.