Алдан уулуссаларынан эдэр ыччат Арассыыйа былааҕын тутан аастылар

Алдаҥҥа Арассыыйа былааҕын күнүгэр интэриэһинэй аахсыйа буолан ааста.

Патриотическай санаалаах ыччат куорат уулуссаларынан улахан Арассыыйа былааҕын тутан хаамтылар. Аахсыйаҕа Арассыыйа гвардиятын, уопсастыбаннай тэрилтэлэр үлэһиттэрэ, дьокутааттар кытыннылар. Бу туһунан «Алданский рабочий» хаһыат суруйар.

Туспа биридимиэттэри дириҥэтэн үөрэтии оскуолатын аттыгар дойду былааҕын көтөҕүү буолла. Бу оскуола кэлэктиибэ аахсыйаны биир сүрүн көҕүлээччинэн буолар. Былырыын оройуон үөрэҕин тэрилтэлэрин иннигэр былааҕы өрө таһаарар флагштоктары туруоруу саҕаламмыта уонна бу кэмтэн ыла хас биирдии үөрэх сыл саҕаланыан иннинэ Арассыыйа былааҕын үөрүүлээхтик өрө көтөҕөр саҥа үгэс үөскээбитэ.