Алдан Ыллымаҕар сүппүт киһи көһүннэ!

Бу чааска Алдан оройуонун Ыллымах нэһилиэгин интэринээт-дьиэтиттэн көҥүлэ суох тахсыбыт киһи көстүбүтүн туһунан үтүө сурах кэллэ.

Кинини нэһилиэк олохтооҕо балыктыы баран иһэн, дэриэбинэттэн 1 км курдук тэйиччи, кылабыыһа аттыгар бадарааннаах сиргэ сытарын булбут. Эр киһи билигин өйө суох сытар, быыһааччылар  кинини интэринээккэ илдьибиттэр. Онно эмсэҕэлээбит киһини Томмот куоракка илдьэр суһал көмө массыынатын кэтэһэллэр.