Хаартыска: Үлэҕэ уонна социальнай сайдыыга министиэристибэтэ
Бэҕэһээ, атырдьах ыйын 27 күнүгэр, тыыл бэтэрээнэ, Алдан куорат олохтооҕо Анфиса Маркеловна Олесова үбүлүөйдээх 100 сааһын бэлиэтээтэ.
Бэлиэ күнүнэн Анфиса Маркеловнаны Арассыыйа Бэрэсидьиэнэ Владимир Путин, Ил Дархан Айсен Николаев, Алдан оройуонун баһылыга Александр Шестопалов, Алданнааҕы нэһилиэнньэ социальнай көмүскэлин уонна үлэҕэ управлениетын салайааччыта Вадим Мазурок уонна Алдан улууһун сэрии, тыыл уонна үлэ бэтэрээннэрин Сэбиэтин бэрэссэдээтэлэ Галина Красноусова эҕэрдэлээтилэр.
Анфиса Маркеловнаҕа «Үйэ саас» үрдүк бочуоттаах бэлиэни туттардылар уонна 100 тыһ. солк. харчынан биир кэмнээх төлөбүрү туттардылар.
Анфиса Маркеловна 1924 сыл атырдьах ыйын 2 күнүгэр Кемеровскай уобалас Юргинскай оройуонун Проскоково нэһилиэгэр төрөөбүт. Кини 7 кылааһы туйгуннук бүтэрэн баран, Томскай куоракка фармацевтическай оскуолаҕа үс сыл үөрэммит. Бастакы кууруска кини Аҕа дойду Улуу сэриитин саҕаланыар диэри үөрэммит, онтон салгыы сэрии сылларын кэмигэр түмүктээбит. Фармацевтическай оскуоланы бүтэрэн баран, 1943 сыл ыам ыйыгар Анфисаны Саха сирин киин куоратын эмтиэкэтигэр үлэлии ыыппыттар. Онтон салгыы Майа сэлиэнньэтигэр 25 №-дээх эмтиэкэҕэ сэбиэдиссэйинэн үлэлии сылдьан кэргэнэ Егор Семенович Олесовтыын көрсүбүт. Кэргэнэ ол кэмҥэ Майаҕа милиция начаалынньыгынан үлэлээбит, онтон Алдан куорат паспортнай остуолун начаалынньыгынан анаммыт. Ол кэмтэн ыла эдэр ыал Алдан оройуонугар олохсуйбут.
Анфиса Маркеловнаны эҕэрдэлиибит уонна киниэхэ, чугас дьонугар кытаанах доруобуйаны, дьоллоох олоҕу уонна дьолу-соргуну баҕарабыт!, диэн Үлэҕэ уонна социальнай сайдыыга министиэристибэтин пресс-сулууспата иһитиннэрдэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…