Алдаҥҥа 43 саастаах суоппар эр киһини түҥнэри көппүт

Алдан киин оройуоннааҕы балыыһатыгар 50 саастаах эр киһи балыыһаҕа киирбит. Эр киһини ыам ыйын 18 күнүгэр киэһэ Ленин аатынан уулуссаҕа массыынанан түҥнэри көппүттэр.

Бу туһунан Госавтоинспекция пресс-сулууспата иһитиннэрэр. «Nissan Note» массыынанан 43 саастаах дьахтар суоппар Незаметнай переулок диэкки хайысханан айаннаан испит. Бу кэмҥэ суолга эр киһи тахсан биэрбит. Эр киһи көҥүллэммэт сиринэн суолу туораан испитэ быһаарылынна.

Саахал түмүгэр эр киһи хаҥас атаҕын уҥуоҕун тоһуппут. Киниэхэ травматологическай отделениеҕа стационарнай эмтэниини анаабыттар. Госавтоинспекция чахчыларынан, суоппар арыгы испэтэҕэ быһаарыллыбыт. Массыына салонугар саахал тахсыбыт кэмигэр пассажир баар эбит — иккиэн эмсэҕэлээбэтэхтэр. Буолбут чахчынан бэрэбиэркэ ыытыллар.