Алдаҥҥа 5 киһи өлүүлээх суол быһылаанын холуобунай дьыалатыгар бириигэбэр таҕыста

Сууттанааччы 2024 сыл балаҕан ыйын 10 күнүгэр «Higer» мааркалаах оптуобуһунан Чульман бөһүөлэгин аэропордуттан Алдан куоракка диэри дьону тиэйэн иһэн, суолтан туораабыт уонна түҥнэстибит. Бу туһунан СӨ Борокуратууратын пресс-сулууспата иһитиннэрэр.

Саахал түмүгэр оптуобус 5 пассажира өлбүт, биир киһи доруобуйатыгар ыарахан эчэйиини ылбыт.

Суут, судаарыстыбаннай буруйдааччы этиитин учуоттаан, эр киһини 4 сылга көҥүлүн быһарга, холуонньа-поселениҕа хаайарга уураахтаата. Кини ону таһынан 2 сыл 6 ый болдьоххо тырааныспары ыытар бырааба быһылынна. Суут бириигэбэрэ сокуоннай күүһүгэр киирэ илик.