Хаартыска: sakha.gov.ru
Алдан улууһугар байыаннай дьайыы бэтэрээннэрэ «Газпром трансгаз Томск» тэрилтэҕэ профтурга сырыттылар. Боевой дьайыылар бэтэрээннэрин үлэҕэ киирэллэригэр көмөлөһөр тэрээһини «Аҕа дойдуну көмүскээччилэр» судаарыстыбаннай пуонда Саха сиринээҕи филиалын социальнай координаторын көмөлөһөөччүтэ Анна Ларина уонна Алдан улууһун Нэһилиэнньэ үлэҕэ ыйдарар киинин салайааччыта Оксана Стародуб тэрийдилэр.
Тэрээһин кэмигэр боевой дьайыылар бэтэрээннэрин тэрилтэ бары салааларын үлэтин кытта билиһиннэрдилэр. Хампаанньа каадыр сулууспатын салайааччыта кинилэргэ үлэ усулуобуйатын, үлэҕэ киирээччилэргэ туруоруллар ирдэбиллэри уонна карьераҕа үүнэр кыахтары кэпсээтэ.
«Идэ талыыта бэтэрээннэргэ вакансиялары эрэ көрбөккө, үлэҕэ киирэн, кэлэктииби кытта бодоруһан, бэйэлэрин күүстэрин сыаналыыр ураты кыаҕы биэрдэ. «Газпром трансгаз Томск» Алданнааҕы ЛПУМГ салалтатыгар биһиги көмүскээччилэрбитин үлэҕэ киллэриигэ аһаҕас буоланнар уонна өйөөбүттэригэр махталбытын тиэрдэбит», — диэтэ социальнай координатор көмөлөһөөччүтэ Анна Ларина.
СӨ Ил Дархана Айсен Николаев Ил Түмэҥҥэ байыаннай дьайыы кыттыылаахтарын эйэлээх олоххо төннөллөрүгэр социальнай адаптациялааһын сүрүн соруктар биирдэстэрэ буоларын бэлиэтээбитэ. Саха сирэ РФ биир бастакы субъектарын ортотугар байыаннай дьайыы кыттыылаахтарын үлэҕэ киллэриигэ кубуота оҥоруу курдук күүһүрдэр миэрэни туттубут эрэгийиэнинэн буолар.
Аҕа дойду Улуу сэриитигэр Кыайыы 80 сылыгар «Кыайыы Харыйатын уруһуйдаа» диэн норуоттар икки ардыларынааҕы уруһуй…
Дьокуускай-Аллараа Бэстээх хайысханан "Халыма" федеральнай суолунан Өлүөнэ өрүһү туоруур кыһыҥҥы суолу 2026 сыл тохсунньу 5…
ОДьКХ үлэһиттэригэр Аҕа дойду Улуу сэриитигэр Кыайыы 80 сылыгар анаммыт бэтэрээннэргэ көмө оҥорор «80 үтүө…
Дьааҥы улууһун борокуратуурата бырааһы сымыйа докумуона оҥорууга буруйдаан, холуобунай дьыаланы суукка ыытта. Силиэстийэ барылынан, буруйданааччы…
Күһүҥҥү былыттар ааһан, кыыдааннаах кыһын бастакы тыына биллибитигэр, Саха сирин киэҥ нэлэмэн тайҕата хаар маҥан…
Сэтинньи 4 күнүгэр Национальнай бибилэтиэкэҕэ Норуот сомоҕолоһуутун күнүгэр анаммыт «Ускуустуба түүнэ» бүтүн Арассыыйатааҕы аахсыйа ыытылынна.…