Алдаҥҥа борокурор ирдэбилинэн эмсэҕэлээбит оҕоҕо 200 000 солк. ирдэннэ

Бу сыл муус устар ыйыгар Алдан куоракка Дорожнай переулок 24 №-дээх дьиэтин аттыгар 10 саастаах уолга бэйдиэ сылдьар ыттар саба түспүттэр.

Ыттар оҕону иккитэ атаҕын аллараа өттүгэр уонна төбөтүгэр ытырбыттар. Бу «Алдан куорат» дьаһалтата бэйдиэ сылдьар кыыллары кытта эппиэтинэстээхтик дьаһаныыга сөптөөх миэрэлэри ылбатаҕыттан таҕыста.

Борокуратуура Алдан куорат дьаһалтатыгар этии киллэрдэ. Түмүгэр борокуруор ирдэбилинэн эмсэҕэлээбит оҕоҕо муниципалитеттан 200 тыһ. солкуобай кээмэйдээх моральнай төлөбүр оҥоһулунна. Бу туһунан СӨ Борокуратууратын пресс-сулууспата суруйар.