Алдаҥҥа киһи өлүүлээх суол саахала буолла

Бүгүн, олунньу 2 күнүгэр, Алдан оройуоннааҕы биир кэлим диспетчер сулууспатыгар «Лена» суол 935-с км, Улуу нэһилиэнньэлээх пуун таһыгар суол саахала буолбутун туһунан иһитиннэрбиттэр. «Тойота Виш» массыына суолтан туораан төкүнүйбүт — биир киһи өлбүт, иккиһин булбатахтар.

СӨ Быыһыыр сулууспатын Алданнааҕы этэрээтин биэс быыһааччыта саахал буолбут сиригэр туруммуттар. Кэлбиттэригэр, эчэйбит суоппары ааһан эрэр массыынанан номнуо балыыһаҕа ыыппыттар. Быыһааччылар икки киһини саахал буолбут сириттэн биэс миэтэрэлээх сиртэн булбуттар. Инники сидиэнньэҕэ олорбут киһи массыынан иннинээҕи түннүгүнэн көтөн тахсан хаалбыт. Массыына суолтан туорууругар хаста да төкүнүйбүт.

11 ч диэки суоппар суол саахала буолбут сиригэр кэлбит. Өлбүт киһини уонна суоппары полицияҕа тиксэрбиттэр.