Алдаҥҥа массыына тимирдэ. Иһигэр киһи баар буолуон сөп

Бэҕэһээ, балаҕан ыйын 26 күнүгэр, 16:19 чааска 112 нүөмэргэ эрийэн, Алдан оройуонугар «Mitsubishi Pujero» массыына тимирбитин туһунан иһитиннэрбиттэр. Бу туһунан СӨ Быыһыыр сулууспата суруйар.

Биллэринэн, Томмот өрүскэ икки эр киһи балыктыы барбыт. Сотору буолан баран, биир киһи аймаҕар эрийэн массыыналара тимирбитин, иһигэр киһи баар буолуон сөбүн туһунан иһитиннэрбит.

Икки полицейскай, аймахтара уонна Андрей Кордюк ыстаарсайдаах Алданнааҕы көрдүүр-быыһыыр этэрээт үс быыһааччыта көрдүүллэр.