Алдаҥҥа оҕону түҥнэри көппүттэр

Алдаҥҥа сэтинньи 24 күнүгэр, баскыһыанньа киэһэ, массыына көлүөһэтигэр 14 саастаах уол оҕо киирэн биэрбит. Саха сиринээҕи ГАИ иһитиннэрэринэн, суол  быһылаана «Солнечнай» түөлбэҕэ Строителей уулуссаҕа тахсыбыт.

«Тойота Калдина» массыына суоппара суолу анамматах сиринэн туораан иһэр уолу түҥнэри көппүт. Оскуола үөрэнээччитин быһылаан тахсыбыт сириттэн суһал көмө массыынатынан балыыһаҕа киллэрбиттэр. Киниэхэ хаҥас тобугун сүһүөҕүн уонна хаҥас атаҕын уҥуоҕа алдьаммыта диагнозтаммыт.