Алдаҥҥа массыынаны күрэппит уол оҕо көҥүлэ быһылынна

Алдан оройуонун суута быһаарбытынан, урут сууттана сылдьыбыт 17 саастаах уол оҕо 2025 сыл тохсунньутугар Томмот куоракка олорор дьиэ тиэргэнигэр турар «Toyota Vitz» мааркалаах массыынаны күрэтэн, Алдан куоракка айаннаабыт.

Ол кэмҥэ кинини ДПС үлэһиттэрэ туппуттар. Суут судаарыстыбаннай буруйдааччы этиитин учуоттаан уонна эдэр уол урут сууттана сылдьыбыта биллэн, иитэр-көннөрөр холуонньаҕа 2 сылга көҥүлүн быһарга уураахтаата.

««Toyota Vitz» мааркалаах массыына сокуоннай бас билээччитигэр төннөрүлүннэ. Суут бириигэбэрэ сокуоннай күүһүгэр киирэ илик», – диэн СӨ Борокуратууратын пресс-сулууспата иһитиннэрэр.