Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыытылыстыбатын пресс – сулууспата
Алдан гимназиятыгар модульнай успуорт саалатын тутуохтара. Бүгүн, от ыйын 8 күнүгэр, Ил Дархан Айсен Николаев саҥа эбийиэк тутуутун, ону таһынан аһаҕас успуорт былаһааккатын саҥардыытын үлэтин бэрэбиэркэлээтэ.
Эрдэ үөрэнээччилэри физкултуура уруогар оптуобуһунан успуорт оскуолатын «Металлург» стадионугар илдьэллэр этэ. Саҥа саала тутуллуннаҕына оҕолор бэйэлэрин гимназияларыгар үөрэнэр буолуохтара.
Успуорт комплексын тутуута Ил Дархан Алдан оройуонун 2030 сылга диэри сайдыытын туһунан ыйааҕын чэрчитинэн ыытыллар.
Билигин эбийиэк фундаменын оҥоро сылдьаллар.
Айсен Николаев оройуон дьаһалтата уонна үөрэх департамена араас бырагыраамаларга көхтөөхтүк кытталларын бэлиэтээтэ.
«Өрөспүүбүлүкэ үрдүнэн маннык курдук үс успуорт комплекса тутулла турар. Иккитэ — Дьокуускайга, биирэ — Алдаҥҥа. Ону таһынан, мин ыйаахпынан, оройуоҥҥа 2030 сылга диэри 13-тэн аҕыйаҕа суох үөрэх эбийиэгэ, 11 култуура уонна сынньалаҥ учреждениета хапытаалынай өрөмүөннэниэҕэ уонна тутуллуоҕа», — диэтэ Ил Дархан.
Ол курдук, бүгүн лиссиэй фасадын өрөмүөнэ түмүктэннэ. 2024 сылга өссө үс үөрэх кыһатын фасада оҥоһуллуоҕа. Итиэннэ 2025 сылга саҥа оскуола уонна уһуйаан тутуллуоҕа.
Бүгүҥҥүттэн Бүтүн Арассыйатааҕы “Сыл учуутала-2025” күөн күрэс өрөспүүбүлүкэтээҕи түһүмэҕэ саҕаланна. Быйыл өрөспүүбүлүкэ араас улуустарыттан барыта…
Дойду култуурунай эйгэтигэр бэлиэ түгэн буолла – 1965 сыллаахха композитор Александра Пахмутова, поэттар Сергей Гребенников…
Саха сирин сүүмэрдэммит хамаандатын дзюдоистката Надежда Татарченко Череповец куоракка дьахталларга ыытыллыбыт Арассыыйа Куубагын үрүҥ көмүс…
Быйыл Социальнай пуонда Саха сиринээҕи салаата 1804 өрөспүүбүлүкэ олохтооҕун уонна кинилэри арыаллыыр дьону санаторнай-курортнай эмтэниигэ…
Саха сирин сүүмэрдэммит хамаандатын чилиэнэ Николай Яковлев буулдьанан ытыыга Арассыыйа успуордун маастара буолла. Бу туһунан…
Алдан икки олохтооҕо тимир суол тэрилтэтиттэн 12 көлүөһэ диискэтин уоран, биэс сылга диэри көҥүллэрэ быһыллыан…