Алдаҥҥа оҕолор тырааныспары күрэтэн дьыалаҕа тардылыннылар

Алдан оройуонун Силиэстийэлиир отдела икки сокуоннай саастарын ситэ илик оҕолор дьыалаларын силиэстийэлээһинин түмүктээтэ.

Силиэстийэ быһаарыытынан, 2023 сыл балаҕан ыйыгар Томмот куорат Алексеевска түөлбэҕэ турар гарааска уоран киирэннэр, квадроциклынан «ВАЗ-2101» массыынаны состорон таһаарбыттар. Ол кэннэ буруйданааччылар массыынаны собуоттуу сатаабыттар да кыаллыбатах — тырааныспары гараастан чугас хаалларбыттар.

Отдел үлэһиттэрэ дакаастыыр баазаны бөҕөргөтүүгэ уонна наадалаах силиэстийэлиир тэрээһиннэри ыыттылар. Холуобунай дьыала суут көрүүтүгэр ыытылынна. Бу туһунан СӨ Силиэстийэлиир кэмитиэтин пресс-сулууспата иһитиннэрэр.