Саха Өрөспүүбүлүкэтин Ил Дарханын уонна Бырабыытылыстыбатын пресс – сулууспата
Бүгүн, от ыйын 8 күнүгэр, Ил Дархан Айсен Николаев Алдан улууһугар “Орто-Сала” эко-паарка бырайыак үлэтин хаамыытын иккис түһүмэҕин бэрэбиэркэлээтэ. Тутуу быланыгар оҕо уонна успуорт былаһааккалара тураллар. Икки муоста өрөмүөннэммит, паарка тула территория асфальтаммыт, сорох сирдэринэн сырдатар опоралар турбуттар.
Айсен Николаев тутулла сылдьар паарканы көрө сылдьан Алдан куорат тэтимнээхтик тупсан иһэрин бэлиэтээтэ. Ону таһынан, пааркаҕа эдэр ыаллары дьиэ кэргэн күнүнэн эҕэрдэлээтэ.
Бэлиэтээн эттэххэ, 2022 сыллаахха “Орто-Сала” эко – паарка бырайыагы олоххо кииириитин бастакы түһүмэҕэ түмүктэммитэ. Паарка иэнэ – 18, 2 га.
Былырыын Алдан дьаһалтата «Малые города и исторические поселения» куонкуруска эко-паарка бырайыагынан 85 мөл. солкуобай гырааны кыайбыта.
Куорат баһылыга Александр Бугай эппитинэн, иккис түһүмэх сыаната – 146 мөл.солк. Бу сылга бырайыак 85 мөл сууммалаах чааһа олоххо киириэҕэ. Веревочнай паарка, ыты күүлэйдэтэр былаһаакка, амфитеатр, күүлэйдиир суоллар, смотровай былааһааккаттан кирилиэс, ыскамыайкалар уонна ууруналар туруохтара. Сырдатыыга уонна видеонаблюдениеҕа үлэлэр түмүктэниэхтэрэ.
Учаастак номнуо бэлэм. Бырайыак ааптара — «Baza14» архитектурнай бюро, подрядчик – “Сахалид” тэрилтэ. От ыйын 15 күнүттэн табаар монтааһа саҕаланыаҕа.
2030 сылга диэри Алдан улууһун бары нэһилиэктэригэр 165-тэн кыччаабат уопсастыбаннай эйгэлэр тупсарыллыахтаахтар, тутуллуохтаахтар. Алдан уонна Томмот “Куорат табыгастаах эйгэтэ» статус ылыахтаахтар.
Бу туһунан Саха Өрөспүүбүлүкэтин Ил Дарханын уонна Бырабыытылыстыбатын пресс-сулууспата иһитиннэрэр.
Эльдар Садовников
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…