Алдаҥҥа Robinson бөртөлүөт тобохторун буллулар

Бүгүн, от ыйын 22 күнүгэр, Алдан оройуонугар саахалга түбэспит Robinson бөртөлүөт тобохторун буллулар.

«Көрдүүр-быыһыыр үлэлэр түмүктэринэн салгын суудунатын тобохторун буллулар. Пилот уонна үс пассажир өлүктэрэ көһүннүлэр»,- диэн Илин Сибиирдээҕи тырааныспар борокуратуурата иһитиннэрдэ.

Санатан эттэххэ, салгын суудуната радартан түүн от ыйын 19 күнүгэр сүппүтэ. Аварийнай маяк Алдан улууһун Чагда сэлиэнньэтиттэн 80 км тэйиччи холбоммута. Быыһыыр үлэлэри күн-дьыл туругуттан көрөн уһатыллыбыта. Бүгүн сүппүт бөртөлүөтү көрдөөһүҥҥэ «Полярные авиалинии» АХ Ми-8  бөртөлүөтэ көппүтэ.