Алдаҥҥа саахалланар туруктаах дьиэ олохтоохторун көһөрбөтөх түбэлтэтинэн холуобунай дьыала тэриллиэҕэ

РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан бэрэбиэркэни саҕалаата. Бу туһунан Силиэстийэлиир кэмитиэт пресс-сулууспата иһитиннэрэр.

Иһитиннэриигэ этиллэринэн, 1970-с сылларга тутуллубут дьиэ олорорго сөп түбэспэт туруктаах: тутаах эркииннэрэ сорох сиринэн алдьаммыттар, коммуникация ситимнэрэ эргэрбиттэр. Дьиэ 2017 сыллаахха официальнайдык саахалланар туруктааҕынан билиниллибитин үрдүнэн, олохтоохторун билиҥҥэ диэри көһөрө иликтэр. Кинилэр араас инстанцияларга туруорсуулара түмүгү биэрбэтэх. РФ СК салайааччыта Александр Бастрыкин Саха сиринээҕи силиэстийэлиир управление салайааччытыгар Виталий Кондратенкоҕа холуобунай дьыаланы көбүтэргэ сорудахтаата. Силиэстийэ хаамыыта СК киин аппараатыгар хонтуруолга ылыллыаҕа.