Алдаҥҥа суол быһылааныгар массыына иһигэр үс киһи хаайтарбыт

Өрөбүлгэ, ахсынньы 1 күнүгэр, Алдан улууһугар дьон эмсэҕэлээбит суол быһылаана таҕыста.

«Газель» мааркалаах массыына хаар ыраастыыр массыынаны кытта харсыста. Пассажирдар массыынаҕа хаайтарбыттар. Саха сирин Быыһыыр сулууспатыгар чуолкайдаабыттарынан, суол быһылаана «Лена» айан суол 849-с км буолбут. Миэстэтигэр Саха сирин Быыһыыр сулууспатын Алданнааҕы көрдүүр-быыһыыр этэрээтин биэс быыһааччыта таҕыста. Бу туһунан Саха сиринээҕи Быыһыыр сулууспатын пресс-сулууспата иһитиннэрэр.