Алдаҥҥа суол саахалыгар биир киһи тыына быһынна

Алдан оройуонугар «Лена» суол 786-с килэмиэтиригэр «Тойота-Хайс» микро-оптуобус уонна «Скания» таһаҕас тиэйэр массыына харсыспыттар. Ол туһунан бүгүн, атырдьах ыйын 2 күнүгэр, Саха сиринээҕи ЫБММ сүрүн управлениетыгар иһитиннэрбиттэр.

Суол саахала Томмоттон 30 км сиргэ буолбут. Микро-оптуобус суоппара тохтоон турар массыынаҕа тиийэн түспүт. Суһал сулууспалар дааннайдарынан, саахалга биир киһи суорума суолламмыт, дьон эчэйбит, ол иһигэр оҕолор бааллар.

Борокуратуура бэрэбиэркэни саҕалаата диэн СӨ Борокуратууратын пресс-сулууспата иһитиннэрэр.