Алдаҥҥа суол саахалыгар дьахтар суоппар эчэйбит

Сэтинньи 12 күнүгэр сарсыарда 8:30 чаас саҕана Томмот куорат  — Алдан оройуонун Синегорье түөлбэ айан суолугар 1999 с.т. суоппар ВАЗ 2115 массыынанан айаннаан иһэн суол саахалыгар түбэстэ.

Силиэстийэ быһаарыытынан, ВАЗ 2115 массыына суоппара түргэн тэтимнээхтик айааннан иһэн утары суол балаһатыгар тахсан биэрбит уонна Тойота Карина массыынаны кытта харсыспыт.

Саахал түмүгэр, Тойота Карина массыына суоппар дьахтара Томмоттооҕу киин балыыһаҕа киирдэ. Быраастар саахал кэмигэр дьахтар түөһүн уонна хаҥас илиитин эчэппитин быһаардылар, амбулаторнай эмтэнии ананна.

Саахал чахчытынан бэрэбиэркэ ыытыллар. Бу туһунан Алдан оройуонун Гоставтоинспекцията иһитиннэрдэ.