Алдаҥҥа суол сахаалыгар эчэйбит дьону санрейсинэн Дьокуускайга аҕалыахтара

Бэҕэһээ Алдан оройуонугар оптуобус түҥнэстиитигэр эчэйбит биэс киһини Дьокуускайга Өрөспүүбүлүкэтээҕи  2-с №-дээх балыыһаҕа санрейсинэн аҕалыахтара. Түөрт киһи ыарахан туруктаах диэн СӨ Доруобуйа харыстабылын министиэристибэтэ иһитиннэрэр.

Оптуобус түҥнэстибит сириттэн Алданнааҕы балыыһаҕа 14 киһини киллэрбиттэрэ. 16 киһи тастан эмтэниэҕэ. Түөрт киһи ыарахан туруктаах..

Бэҕэһээ саахал мэдиссиинэтин федеральнай киинин кытта теле-мэдиссиинэнэн консультация ыыттылар. Чугаһынан кэмҥэ биэс киһини Өрөспүүбүлүкэтээҕи 2-с №-дээх балыыһаҕа санрейсинэн аҕалыахтара.