Алдаҥҥа сүппүт балыксыттары көрдүүллэр

Алдан оройуонугар балыктыы барбыт икки эр киһини көрдүүллэр. Бу туһунан СӨ Быыһыыр сулууспата иһитиннэрэр.

Бу 1975 с.т. уонна 1985 с.т. дьон бэс ыйын 17 күнүгэр Томмот өрүскэ, Красная Звезда бөһүөлэк аттыгар, балыктыы барбыттар уонна бүгүҥҥү күҥҥэ диэри сибээскэ тахса иликтэр. Кэлиэхтээх болдьохторугар биллибэтэхтэр. Бэс ыйын 20 күнүгэр билэр киһилэрэ кинилэри көрдүү барбыт уонна булбакка төннүбүт.

Бэс ыйын 22 күнүгэр киэһэ Быыһыыр сулууспаҕа биллэрбиттэр.

Бэс ыйын 23 күнүгэр Быыһыыр сулууспа Алданнааҕы этэрээтин түөрт быыһааччыта уонна баҕалаах дьон сүппүт дьону көрдүү айаннаатылар.