Алдаҥҥа сүппүт киһини көрдөөһүн үлэтэ салҕанар

Алдан улууһугар Ыллымахха баар кырдьаҕастар уонна инбэлииттэр дьиэлэриттэн 1964 сыллаах төрүөх эр киһи атырдьах ыйын 22 күнүгэр киэһэ 18 чаас 30 мүнүүтэҕэ тахсан баран, көстө илик.

Бэҕэһээҥҥиттэн быыһааччылар көрдөөһүнү күүһүрдэн биэрдилэр. Алдан оройуонун быыһааччыларыгар  Дьокуускайтан көмөҕө өссө биэс киһи тиийдэ. Бэҕэһээ, атырдьах ыйын 27 күнүгэр, 11 быыһааччы нэһилиэктэн чугас киэҥ ойуур учаастагын бэрэбиэркэлээтилэр. Сүппүт киһи суола-ииһэ көстүбэтэх. Быыһааччылар иһитиннэрбиттэринэн, бу сиргэ билигин ардах түһэр, ол көрдөөһүн үлэтин уустугурдар.