Алдаҥҥа таһаҕаһы тиэйэр массыына суоппара  теплотрассаны алдьаппыт

Кулун тутар 21 күнүгэр сарсыарда 8:55 чааска Алдаҥҥа теплотрасса учаастага алдьаммыт. Уулуссаҕа хаары ыраастыыр үлэлэри ыытар тас тэрилтэ таһаҕаһы тиэйэр массыынатын суоппара «Теплоэнергосервис» АХ бас билэр теплотрассатын таарыйбыт.

Быһылаан буолбут сиригэр алдьаныыны өрөмүөннүүргэ аварийнай биригээдэ тиийбит. Саахал тахсыбытын да үрдүнэн, хочуолунай үлэтин тохтоппотох диэн иһитиннэрдилэр. Ититэр ситими алдьатыы түмүгэр икки олорор дьиэ быстах кэмҥэ ититиитэ хааччахтаммыт. Тымныы ууну хааччыйар турба алдьамматах. Быһылаан тахсыбыт кэмигэр салгын температурата 7 кыраадыс эбит.