Бөлүүн Алданнааҕы көрдүүр-быыһыыр этэрээт быыһааччылара Томмот өрүскэ тимирбит массыынаны таһаардылар. Массыына иһиттэн эр киһи өлүгүн буллулар диэн СӨ Быыһыыр сулууспата иһитиннэрэр.
Балаҕан ыйын 26 күнүгэр 16:19 чааска 112 нүөмэргэ эрийэн, Алдан оройуонугар «Mitsubishi Pujero» массыына тимирбитин туһунан иһитиннэрбиттэр. Үс эр киһи Томмот өрүскэ балыктыы барбыт. Балыксыттар сарсыарда уһуктан баран, үһүс киһилэрэ суоҕун көрбүттэр. Көрдүү сатаабыттар уонна массыынанан барбытын, тимирбитин өйдөөбүттэр.
Алданнааҕы көрдүүр-быыһыыр этэрээт үс быыһааччыта, икки полицейскай, балыксыт аймахтара көрдөөһүҥҥэ туруммуттар. Түүн 02:14 чааска массыынаны булбуттар.
— Быһа холоон, балыксыт өрүһү массыынанан туоруур сири булкуйбут уонна утуйан хаалбыт буолуон сөп, — диэн көрдүүр бөлөх ыстаарсайа Андрей Кордюк этэр. — Массыынаны ууттан таһаараары, КамАЗ уонна водовоз массыыналары туһанныбыт. Өлүгү таһаардыбыт. Кини тимирэн эрэрин өйдөөбөккө да хаалбыт быһыылаах, үөрэн олорор курдук этэ…
Өлүгү полицияҕа тиксэрбиттэр.
2026 сыл олунньутугар сорох категорияҕа киирэр биэнсийэлээхтэр биэнсийэлэрэ үрдүүрэ күүтүллэр. Сорох дьоҥҥо биэнсийэ улаатыыта 29%…
Бүгүн таҥха саха итэҕэлэ дуу, атын омук үгэһэ дуу диэн үөрэтэ, мөккүһэ барбакка, таҥхаҕа сыһыаннаах…
...Болдьоспут чааспытыгар Дьокуускай куорат 203-с түөлбэ биир дьиэтин аттыгар Николай Софронеевтыын көрүстүбүт. Сыалым-соругум - өрүс ойбонугар сөтүөлээһини сырдатыы. Сэһэргэһээччим бэрт сылаастык үллүнэн…
Чыычаахаптар олорор сирдэрэ бөһүөлэктэн үс биэрэстэ тэйиччи. Ыал аҕа баһылыга Куонаан “Сардаҥа” пиэрмэҕэ уу баһааччынан…
СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт…
Кытай туристарын эспэдииссийэтэ бу күннэргэ этэҥҥэ Анаабыр сиригэр үктэннэ. Кытайдар сүрүн соруктарынан Анаабыр улууһун саамай…