Алдаҥҥа устудьуоннар успуорт кулууптарын спартакиадата ыытыллыаҕа
![](https://sakha-sire.ru/wp-content/uploads/2024/07/photo_2024-07-23_11-16-12-1060x596.jpg)
Алтынньы 3-6 күннэригэр Алдаҥҥа үөрэх кыһаларын устудьуоннарын ортолоругар өрөспүүбүлүкэтээҕи спартакиада ыытыллыаҕа.
Быйылгы күрэхтэһии Саха сиригэр көмүһү хостуур бырамыысыланнас үбүлүөйдээх 100 сылыгар ананар. Бу туһунан Идэлээх үөрэхтээһини сайыннарыы үнүстүүтүн айар кыһатын Киинэ иһитиннэрэр. Спартакиада Алдан политехническай техникумун баазатыгар ыытыллыаҕа. Устудьуоннар спортивнай кулууптарын чилиэттэрэ биэс успуорт көрүҥэр күрэхтэһиэхтэрэ: волейбол, баскетбол, чэпчэки атлетика, канат тардыһыыта уонна ГТО многоборьета.
Санатан эттэххэ, былырыын Бүлүүгэ балаҕан ыйын 13-16 күннэригэр ыытыллыбыт спартакиада 10 устудьуоннар успуорт кулууптарын уонна 312 кыттааччыны түмпүтэ. Барыта 68 кэмпилиэк мэтээл оонньоммута. Түмүк көрдөрүүлэринэн кыайыыны С.Ф. Гоголев аатынан Дьокуускайдааҕы педагогическай кэллиэс «Эрэл» успуорт кулууба ситиспитэ.
Сообщить об опечатке
Текст, который будет отправлен нашим редакторам: