Алдаҥҥа үс массыына кыттыылаах суол саахала буолла

Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр.

Дьокуускайга суотабай төлөпүөнү уорбуттар. Ленскэй оройуонун Пеледуй бөһүөлэгэр уонна киин куоракка наркотигынан эргиммиттэрэ биллибит.

Дьокуускайга суоппар итирэн баран уруулга олорон иккистээн тутуллубут.

Киһи өлүүлээх суол саахала бэлиэтэммэтэх.

Алдан куоракка үс массыына кыттыылаах суол саахала буолбут, икки киһини госпитализациялаабыттар.

Мэҥэ Хаҥалас улууһугар «Халыма» суол 25-с км 1981 с.т. суоппар  «Тойота Пробокс» массыынаны ыытан иһэн суол утары балаһатыгар тахсан,  «Тойота Ленд Крузер 200» массыынаны кытта харсыспыт. Ол түмүгэр «Тойота Пробокс» суоппара уонна 1982 с.т. пассажира госпитализацияламмыттар.

Суукка устата итирик туруктаах икки суоппар тутуллубут.