Алданнааҕы киин балыыһаҕа суол быһылааныгар эчэйбит сорох дьону аҕаллылар

Бүгүн, балаҕан ыйын 10 күнүгэр, «Лена» федеральнай суолга Алдан оройуонугар  20-чэ пассажирдаах Higer оптуобус түҥнэстибитин туһунан  суруйан турабыт.

СИА-ҕа Алдан оройуонун баһылыга  Александр Шестопалов иһитиннэрбитинэн, саахал тахсыбыт сиригэр суһал көмө 7 биригээдэтин ыыппыттар. Ону таһынан ЫБММ биригээдэтин, силиэдэбэтэллэри.  Уопсайа 13 массыына айаннаабыт. Билигин аара айаннаан иһэр массыыналарынан   сэттэ эр киһини уонна биир ыарахан туруктаах дьахтары Алданнааҕы киин балыыһаҕа аҕаллылар.