Хаартыска: ЯСИА
Санитарнай рейсинэн Алдан улууһуттан Дьокуускайга менингиккэ уорбаланар үс оҕону аҕаллылар.
Кинилэр бары Томмоттооҕу биир оҕо лааҕырыгар сынньаммыттар. Бу буолбут чахчынан бэрэбиэркэ ыытыллар диэн от ыйын 23 күнүгэр СӨ Борокуратууратыгар иһитиннэрдилэр.
«Алдан улууһун борокуратуурата Томмот куоракка баар оҕо лааҕырыттан сезона түмүктэнэн кэлбит үс оҕо доруобуйа харыстабылын тэрилтэтигэр көмө көрдөөн тиийбитин уонна балыыһаҕа киирбитин бэрэбиэркэлиир. Оҕолор санитарнай рейсинэн Дьокуускайга Neisseria meningitidis уорбаланан аҕалылыннылар», — диэн биэдэмистибэ иһитиннэриитигэр этиллэр.
Борокуратуура бэрэбиэркэ чэрчитинэн оҕолор сайыҥҥы лааҕырга сылдьыбыт усулуобуйаларын уонна санитарнай-эпидемиологическай сокуон ирдэбиллэрэ тутуһуллубутун сыаналыаҕа. Төрүөт баар буоллаҕына, сөптөөх дьаһаллар ылыллыахтара.
Вируснай менингит түргэнник сайдарынан уонна ыарыһаҕы өлүүгэ тиэрдиэн сөбүнэн кутталлах диэн Роспотребнадзорга быһаардылар. Сыстыганнаах ыарыы салгынынан бэриллэр, сэдэхтик — тутан-хабан, олох-дьаһах нөҥүө. Бастаан менингит көннөрү тумуу курдук буолар: температура тахсар, киһи мөлтүүр, тумууланар. Кэлин ыарыы ураты сибикилэрэ биллэллэр: күүстээх төбө ыарыыта, сырдыгы тулуйбат буолуу, моой былчыҥнарын күүрүүтэ, хотуолуур баҕа.
Былыр сахалар бэс сутукатын хатаран, мэлийэн, үөрэҕэ, хааһыга булкуйан сииллэрэ. Бу өбүгэлэрбит үрүҥ тыыннарын өллөйдөөбүт…
2025 сыл балаҕан ыйын 14 күнүгэр Саха сиригэр муниципальнай быыбардар буолан аастылар. Быыбар учаастактарыгар 600-тэн…
Саха сирин сүүрүүгэ сүүмэрдэммит хамаандатын биир бастыҥ спортсмена Наталья Леонтьева 42 км Москва марафонугар сүүрэргэ…
Өрөспүүбүлүкэҕэ 2025 сыл, аҕыс ыйдааҕы түмүгүнэн, буруйу оҥоруу 9340 түбэлтэтэ бэлиэтэннэ. 14 куораттарга уонна оройуоннарга…
Балаҕан ыйын 12-14 күннэригэр өрөспүүбүлүкэҕэ 218 быыбардыыр хампаанньа ыытылынна, куоластааһын үрдүк таһымнаахтык уонна туох даҕаны…
Дьокуускайга уонна 8 улууска - Алдаҥҥа, Ленскэйгэ, Мииринэйгэ, Мэҥэ Хаҥаласка, Намҥа, Нерюнгригэ, Сунтаарга, Томпоҕо улахан…