Алдан спорстмена ыарахан ыйааһыннаахтарга Бүтүн Арассыыйатааҕы турнирга бастакы миэстэни ылла

Алдан спортсмена Эдуард Забродин  А.П. Колоктионов аатынан олимпийскай чөмпүйүөн В.С. Голованов бирииһигэр Бүтүн Арассыыйатааҕы муҥутуур ыарахан ыйааһыннаахтарга  атлетикаҕа турнирыгар 18 сааһыгар диэри юниордарга бастакы миэстэни ылла.

Күрэхтэһии Хабаровскайга бу сыл алтынньы 20-22 күннэригэр  буолан ааста. Турнир Арассыыйа үрдүнэн бастыҥ атлеттары түмтэ. Алдан политехническай тиэхиньикумун устудьуона Эдуард Забродин  100 кг ыйааһыҥҥа кыайыылааҕынан таҕыста уонна 126 киилэни өрө көтөҕүүгэ бастаата. Эдэр спортсмены «Саха сирин тимир суоллара» АХ «Локомотив успуорт уораҕайын дириэктэрэ Василий Бабинов эрчийэр.

«Приморьеттан утарсааччыбыт олус күүстээх этэ. 90 кг ыйааһынтан саҕалаабыппыт. Салгыы — 95, үһүскэ — 100 киилэҕэ. Мин иннибэр утарсааччым 100 киилэттэн саҕалаабыта уонна 103 киилэҕэ тохтообута.  Биһиги бастакы миэстэ иһин  киирсибиппит», — диэн Василий Бабинов киирсии хаамыытын кэпсээтэ.