Хаартыска: sakha.gov.ru
Быһа лииньийэ кэмигэр Владимир Путин тыа хаһаайыстыбатын уонна ас-үөл хааччыллыытын боппуруостарын таарыйда. Дойду бэрэсидьиэнэ тыа хаһаайыстыбатын салаатын үлэтин түмүгүн үчүгэй диэн эттэ уонна пиэрмэрдэргэ махтанна.
“Тыа сирин олохтоохторо дойду бэрэсидьиэнин өйөбүл тылларын истибиттэрэ үөрүүлээх. Владимир Путин бэлиэтээбитинэн, ис ырыынакка олохтоох бренд 30-тан тахса бырыһыаҥҥа тиийэ үрдээбит. Итиэннэ эрэгийиэннэр оҥоһууларын өйүөхтээхтэрин уонна эрэгийиэннэргэ киэн туттар холобур элбэҕин эттэ. Маныаха биһиги саха сүөһүтүн боруодатын чөл хаалларар уонна сөргүтэр систиэмэлээх үлэни салгыахпыт. Бу дэҥҥэ көстөр үрдүк хаачыстыбалаах бородууксуйаны эрэ оҥоруу буолбакка, хаһаайыстыба үгэһин уонна култууратын хаалларыы буолар. Билиҥҥи курдук судургута суох кэмҥэ бииргэ, бэрэсидьиэммит тула түмсүөхтээхпит. Лидербитигэр эрэллээхпин, инникигэ эрэллээхпин”, — диэн “Саха сүөһүтэ” тэрилтэ дириэктэрэ, өрөспүүбүлүкэтээҕи АККОР бэрэсидьиэнэ Александр Артемьев этэр.
“Саха сүөһүтэ” тэрилтэ 2020 сыллаахха Ил Дархан Айсен Николаев быһаарыытынан тэриллибитэ. Саха сүөһүтүн генофондатын хаалларыыга, харыстааһыҥҥа, сайыннарыыга, симэлийэр кутталыттан таһаарыыга, саха сүөһүтүн боруодатын генофондатын төрүт олохтоох ахсаанын элбэтиигэ уонна хаһаайыстыба материальнай-тиэхиньиичэскэй баазатын бөҕөргөтүүгэ улахан үлэ ыытылынна.
Хааһыналаах тэрилтэ билигин Нам, Мииринэй, Ньурба, Мэҥэ Хаҥалас уонна Амма улуустарыгар сүөһүнү иитэр комплекстардаах. Ситими сайыннарыы биир сүрүннээх үлэтин түмүгэр, 2023 сыл алтынньы 1 күнүнээҕи туругунан, өрөспүүбүлүкэҕэ 3101 төбө саха сүөһүтэ баар, итинтэн 1159 – ыанар ынах.
Ил Дархан уонна Бырабыыталыстыба пресс-сулууспата.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…