Александр Артемьев: «Владимир Путин — Арассыыйа олохтоохторун бэйэтин тула түмпүт күүстээх киһи»

Саха сирин бааһынай хаһаайыстыбаларын ассоциацияларын бэрэсидьиэнэ Александр Артемьев Владимир Путин бэрэсидьиэн быыбарыгар кыттарга быһаарыммытын туһунан санаатын үллэһиннэ.

«Владимир Путин — биһиги национальнай лиидэрбит. Кини Арассыыйа бары олохтоохторун бэйэтин тула түмпүт күүстээх санаалаах киһи. Владимир Владимировичы өйүүбүт уонна биһиги хайысхабытыгар ыытар үлэтин иһин махтанабыт. Кини фермердэр туох ыарахаттары көрсөллөрүн өйдүүр уонна өйүүр. Судаарыстыба баһылыга тыа хаһаайыстыбатын төрүт көрүҥнэригэр — сылгыны, табаны, ынаҕы иитиигэ болҕомтотун уурарын сыаналыыбыт. Ол үлэтэ үтүө түмүктэри аҕалар.

Үгүс сыллар устата бэрэсидьиэммит уустук, ол эрээри сөптөөх быһаарыныылары ылынар күүстээх санаалааҕын көрдөрдө», — диэн Александр Артемьев СИА-ҕа санаатын этиннэ.