Хаартыска - Александр Атласов тиксэриитэ
Ил Дархан Айсен Николаев өрөспүүбүлүкэ экология өттүнэн этэҥҥэ буолуутун хааччыйарга туһуламмыт ыйааҕыгар 2030 сылга диэри экология салаатыгар кэккэ соруктары туруорда.
Айылҕаны харыстааһын боппуруоһа ордук көмүс хостуур тэрилтэлэрэ үлэлиир улуустарыгар олорор дьону долгутар. Өймөкөөн улууһун Төрүт нэһилиэгин олохтооҕо Александр Атласов бары салайааччыларга туруорсар боппуруоһа биир – кэлиҥҥи кэмҥэ иһэр уу кытта киртийэр буолбута:
— Миигин саамай ордук Индигиир уонна Элги өрүстэрбит киртийиилэрэ долгутар. Соторутааҕыта ситэриилээх былаас отчуотугар эмиэ ити кыһалҕаны быһааран биэрдим. Балык олох суох буолан эрэр. Аттыбытыгар баар көмүс хостуур тэрилтэлэр сири үнтү хаһалларын, чөлүгэр түһэрбэттэрин түмүгэр искусственнай хайа бөҕө үөскээтэ. Үрүйэлэрбитигэр үгүстэригэр селитра түһэр буолан, олох кууран хааллылар. Сайын өрүспүтүгэр кирдээх уу киирэр буолан, иһэр уубутугар да эрэйдэнэр буоллубут. Онон Ил Дархан экологияны харыстааһыҥҥа туһуламмыт ыйааҕа бу кыһалҕабытын туоратарга өйөбүл буоларыгар эрэнэбин. Холобура, улуустардааҕы муниципальнай тэриллиилэргэ туһаайан миэстэтигэр экологияны харыстааһыҥҥа бырайыактыыр офистары тэрийиини сорудаахтаабыта кэрэхсэтэр. Айылҕа харыстабылыгар уопсастыбаннай иниспиэктэрдэр үлэлэрин сайыннарарга болҕомтону туһаайбыт. Нэһилиэктэргэ айылҕа харыстабылын иниспиэктэрдэригэр өйөбүл быһыытынан итинник түмсүүлэр тэриллиэхтэрин сөп этэ. Сир баайын туһанар тэрилтэлэргэ, ол аата биһигинэн ыллахха, көмүсчүттэргэ, айылҕа харыстабылыгар туһуламмыт үлэни олохтоохтук ыытарга, айылҕа баайын көдьүүстээхтик туһанарга сүбэлээбит. Айылҕа харыстабылыгар кэлим бырагыраамалары ылынарга, тулалыыр эйгэни айгыраппат сыалтан аныгы технологияны туһанарга сорудахтаабыт. Онон бу ыйаах сааскы кэмҥэ — көмүс сууйуутун сезонун саҕаланыан иннинэ саамай сөптөөх кэмҥэ таҕыста.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…