Салгыы
Александр Авдонин: «Саха сириттэн аармыйаҕа ыҥырыллааччылар Илиҥҥи байыаннай уокурук байыаннай чаастарыгар сулууспалыахтара»

Александр Авдонин: «Саха сириттэн аармыйаҕа ыҥырыллааччылар Илиҥҥи байыаннай уокурук байыаннай чаастарыгар сулууспалыахтара»

05.04.2023, 12:20
Хаартыска sakha.gov.ru ылылынна
Бөлөххө киир:
 Саха сириттэн аармыйаҕа ыҥырыллааччылар РФ Сэбилэниилээх күүстэригэр, Илиҥҥи байыаннай уокурук сиригэр-уотугар сулууспалыахтара.

РФ бэрэсидьиэнин, РФ ВС Генеральнай ыстаабын начаалынньыгын уурааҕынан, аармыйаҕа ыҥырыллбыттар байыаннай эпэрээссийэҕэ ыытыллыбаттар.

Бу туһунан муус устар 4 күнүгэр Саха сирин байыаннай хамыһаара Александр Авдонин иһитиннэрдэ.

Кини иһитиннэрбитинэн, муус устар 1 күнүттэн аармыйаҕа сааскы ыҥырыы саҕаламмыт.

«Аармыйаҕа ыҥырыы былааннаммыт болдьоҕунан, муус устар 1 күнүттэн от ыйын 15 күнүгэр диэри, ыытыллар. Маны сэргэ, Саха сиригэр ыам ыйын 1 күнүттэн от ыйын 15 күнүгэр диэри маннык ыҥырыы 14 хотугу муниципальнай тэриллиилэргэ  буолуоҕа. Былырыын саас аармыйаҕа ыҥырыыны кытта тэҥнээтэххэ, бу сыллааҕы сорудаҕынан, 100-нэн аҕыйах киһи ыҥырыллыаҕа«, — диэн бэлиэтээтэ Александр Авдонин.

Коронавирус дьаҥын утары бары миэрэлэр тутуһуллаллар.

«СӨ Доруобуйа харыстабылын министиэристибэтин кытта ыкса үлэлэһиэхтээхпит. Саха сирин бары байыаннай комиссариаттара коронавирус дьаҥын утары тестарынан хааччыллыбыттара«, — диэн иһитиннэрдэ өрөспүүбүлүкэ байыаннай хамыһаара.

Бэлиэтээн суруйдахха, байыаннай сулууспаҕа саппааска киирбэтэх уонна  «О воинской обязанности и военной службе» диэн Федеральнай сокуонунан аармыйаҕа сулууспалыан сөптөөх  18-27 саастаах  РФ  олохтоохторо ыҥырыллаллар. Аармыйаҕа ыҥырыы хампаанньатын кэмигэр 147 тыһыынча Арассыыйа олохтооҕун ыҥырар былааннаахтар.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 июня
  • 16°C
  • Ощущается: 16°Влажность: 82% Скорость ветра: 2 м/с

Сообщить об опечатке

Текст, который будет отправлен нашим редакторам: