Сайаана Львова хаартыскаҕа түһэриитэ
Алтынньы 12-13 күннэригэр Дьокуускай куоракка Сэбиэскэй Сойуус Дьоруойа Федор Охлопков кэриэһигэр Бүтүн Арассыыйатааҕы ыраахтан ытыыга иккис күрэхтэһии буолан ааста. Олус элбэх киһи кытынна, тэрээһин таһыма үрдээбитэ бэлиэтэннэ.
Сэбиэскэй Сойуус Дьоруойа Федор Охлопков кэриэһигэр ырааҕы ытыыга иккис Бүтүн Арассыыйатааҕы турнир туһунан Саха сиригэр снайпинг федерациятын бэрэссэдээтэлэ Александр Данилов санаатын үллэстэр. Саха дьонун маннык күрэстэргэ көхтөөхтүк кытталларыгар ыҥырар.
— Саха сиригэр ырааҕы ытыыга «Сулус» полигоҥҥа күрэхтэһии буолан ааста. Бу Саха сиригэр саҥа успуорт көрүҥэ буолар. Биһиги Саха сирин кыраҕы харахтаахтара спортинг, тэриэлкэни ытыы күрэстэригэр аан дойдуга бастаан турабыт. Оттон бу ырааҕы ытыыга биһиги быйыл саас эмиэ, Сергей Яковлев кыайан бастаан турардаахпыт. Бүгүн ол күрэхтэһии иккис түһүмэҕэр уолаттарбыт эмиэ кииристилэр. Ырааҕы ытыы олус ыарахан. Биир, икки килэмиэтири ытыы ыарахан. Манна үс, түөрт килэмиэтирдээх ырааҕы ытыахха наада. Онно дьэ, сөптөөх саа, кыраҕы харах наада, киирсиигэ сабыдыаллыыр. Бу күрэхтэһиигэ Арассыыйа ааттаахтара, байыаннай снайпердар кэлэн кытыннылар. Кинилэр бэлэмнэрэ олус үчүгэй, этэргэ дылы тэриллэрэ хас эмэ мөлүйүөн сыаналаахтар. Ол эрээри, биһиги уолаттарбыт син биир, кыахтарынан тэҥҥэ киирсэ сылдьаллар, ол баар үчүгэйэ. Син биир бириэмэтэ кэллэҕинэ, биһиги бу идэтийбит снайпердар иннилэригэр түһүөхпүт, Саха сиригэр саха снайпердара баалларын билиэхтэрэ, сыаналыахтара дии саныыбын. Онуоха күүскэ үлэлиэхпитин наада. Маннык үчүгэй, киэҥ-куоҥ полигону туттаран биһиэхэ эрчиллэр кыаҕы биэрбит Бырабыыталыстыбабытыгар, Ил Дархан Айсен Николаевка тус бэйэтигэр махталбын тиэрдэбин. Кинилэр күүскэ туруорсан, үлэлээн, тылларын ылыннаран туттарбыт сирдэрэ. Биһиги ытыыны сэргээччилэр, булчуттар манна кэлэн эрчиллэбит, онон саха дьонун барыгытын ыҥырабын. Биһиги тэриэлкэ эрэ буолбакка, ырааҕы ытыыга эмиэ күүстээх маастардар буолуохтаахпыт. Онон сахам дьоно «Сулус» полигоҥҥа кэлиҥ, ыалдьыттааҥ, ытарга эрчиллиҥ диэн ыҥырыам этэ.
Эдьиий Дора сүбэтэ. Эккэ-хааҥҥа иҥэмтэлээх, ыраас, туһалаах эбиликтээх ас сүмэтэ биһиэхэ баарын сотору аан дойду…
Дьуһуурунай борокуруор иһитиннэрбитинэн, суукка устата буруйу оҥоруу туһунан 12 иһитиннэрии бэлиэтэммит. Ол курдук, Нерюнгри куоракка…
Бу күннэргэ биир дойдулааҕым, Учууталым диэн улахан буукубаттан суруйар, ытыктыыр-сүгүрүйэр киһим Баһылай Сэмэнэбис Сүөдэрэп-Сэмээр Баһылай…
Ахсынньы 13 күнүнээҕи туругунан сымыыт былырыыҥҥы кээмэйин -- 97,7 мөл устууканы ыллылар. Сыл бүтүөр диэри…
Күүтүүлээх-кэтэһиилээх, биэс күн устата барбыт долгутуулаах Бүтүн Арассыыйатааҕы “Сыл учуутала-2024” күрэс Саха сиринээҕи түһүмэҕэ түмүктэннэ.…
2014 сыллаахха СӨ Култуураҕа уонна духуобунай сайдыыга министиэристибэтин Гранынан, оччотооҕу миниистир Андрей Борисов өйөөһүнэн, маастардар…