Хаартыска: Ил Дархан, бырабыыталыстыба дьаһалтатын пресс-сулууспата.
Дуобатчыт Александр Ефимов 100 харахтаах дуобакка доруобуйаларыгар хааччахтаах спортсменнарга IDCD аан дойду чөмпүйэнээтигэр кыайда. Кини Арассыыйа гроссмейстерын нуорматын толордо.
Бэһис төгүлүн ыытыллар аан дойду чөмпүйэнээтигэр сэттэ дойдуттан күүстээх спортсменнар кытталлар. Арассыыйаттан биэс спортсмен кытынна, кинилэр истэригэр – Саха сириттэн Александр Ефимов, Джулиана Андреева уонна Сайыына Юнчанова, тириэньэрдэрэ — Петр Ушницкай.
— Александрдыын дьарыктаммыппыт тоҕус сыл буолла. Былырыын Европа чөмпүйүөнэ буолбута уонна аан дойду чөмпүйэнээтигэр иккис миэстэни ылбыта. Саша истибэт оҕолор Өрөспүүбүлүкэтээҕи анал интэринээт-оскуолаларын бүтэрбитэ. Билигин ХИФУ физкультурнай институтугар үөрэнэр. 2015 сыллаахха мин бэйэм аан дойду чөмпүйүөнэ, инбэлиит-спортсменнарга бастакы гроссмейстер этим. Билигин үөрэнээччилэрим кыайыыларыттан үөрэбин. Инникитин өссө элбэх ситиһии күүтэр диэн эрэллээхпин, — диэн Петр Ушницкай санаатын үллэстэр.
Күрэхтэһии түмүгүнэн, Александр Ефимов эр дьоҥҥо 1-кы миэстэни, түргэн дуобакка 2-с миэстэни ылла, Джулиана Андреева — дьахталларга 2-с миэстэни, Сайыына Юнчанова – юниоркаларга 2-с миэстэни ыллылар.
Дуобакка аан дойду чөмпүйэнээтэ Турция Кемер куоратыгар ыам ыйын 19-31 күннэригэр буола турар.
Ил Дархан, бырабыыталыстыба дьаһалтатын пресс-сулууспата.
СӨ Дьокуускай куоратын борокуратуурата бэрэбиэркэ ыытан, 68 саастаах куорат олохтооҕо төлөпүөн нөҥүө үлэлиир түөкүннэр албыннарыгар…
«Почта России» Саҥа дьыллааҕы бырааһынньыктар иннилэринэ биэнсийэни уонна социальнай төлөбүрдэри тиэрдии бэрээдэгин туһунан иһитиннэрэр. Ахсынньы…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү…
«Жатай» куорат уокуругун 1 №-дээх орто уопсай үөрэхтээһин оскуолатыгар Аҕа дойду Дьоруойдарын күнүн көрсө, Арассыыйа…
Арассыыйа сорох туһанааччылара Windows 11 операционнай система саҥардыытын туруоруммуттарын кэннэ, «күөх экран» (Blue Screen of…
Сыл аайы ыытыллар «Профориентация-2026» эрэгийиэннээҕи икки ардыларынааҕы дьаарбаҥка уонна үөрэх, үлэ миэстэтин уонна идэ кыахтарын…